როგორ არის გამოხატული ბოჰემიანიზმი ინტერიერში?
ბოჰემური სტილი, ესაა საუკუნეების მანძილზე ჩამოყალიბებული კულტურა, თამამი და მრავალფეროვანი ...
ეს სტილი იქცა ცხოვრების ტენდენციად. ხელოვნებიდან მან გადაინაცვლა თითქმის ყველა სფეროში და შემქნა ულამაზესი სანახაობა.
ხშირად ამბობენ რომ, თავისი მუდმივი თანამედროვე იმიჯით - ბოჰემიალიზმი კვლავ მსოფლიოს იპყრობს.
ბოჰემური სტილი თანამედროვე ინტერიერის ტენდენციებში განსაკუთრებული პოპულარობით სარგებლობს, რომელიც არც ისე დიდი ხანია, რაც წარმოიშვა და არაორდინალური ვიზუალი ვიზუალი ბოჰემური ინტერიერი - თვითმყოფადობით, თამამი ფერებით, სიმყუდროვითა და რაც მთავარია, თავისუფალი სტილით გამოირჩევა.
ეს არის ადამიანის სულიერი სამყაროს, ცხოვრების სტილის გადმოცემა ინტერიერში, რომელიც მოსწონს და აკმაყოფილებს უპირველესად სახლის მფლობელს. ბოჰემურ სტილში არანაირი ჩარჩოები და შეზღუდვები არ არსებობს.
ბოჰემური სტილი: ძირითადი შტრიხები
თამამი ფერების კომბინაცია - რომელიც არ შემოიფარგლება მხოლოდ ორი – სამი ფერის შერჩევით, ინტერიერის შევსება მისაღებია უამრავი ფერის ტექსტილით, ავეჯითა.
კომფორტული გარემო - მთავარია, რომ შექმნილი ატმოსფერო დროის სასიამოვნოდ გატარების საშუალებას იძლეოდეს. დივანი და სავარძლები, მარტივი ფორმის ავეჯი და ტექსტილი უპირველესად მფლობელის გემოვნებას უნდა ერგებოდეს და მის ფანტაზიას რეალობაში გამოსცემდეს.
თვითგამოხატვა - გააფორმეთ ოთახი მაგალითად, თქვენი საკოლექციო ნივთებით, საკუთარი ხელით შექმნილი დეკორებით, რეტრო სტილის აქსესუარებით და ზედმეტად ნუ იფიქრებთ თუ როგორ მოუხდება ეს ყველაფერი ინტერიერს.
ტექსტილის თავისუფალი არჩევანი - არ იზღუდებით ფერების, პრინტების, ქსოვილების ფაქტურებით და სხვა ნიუანსებით, შეგიძლია ყველაფერი ერთად, კომბინაციმოი იგაგიყენოთი. ტექსტილი ყველგან: ბალიშები, ხალიჩები, პლედები .. კომბინირებული ფაქტურებით, პრინტებით, მკვეთრი ფერებით.
დეკორაციები: ბოჰემური ინტერიერი სავსეა დეკორაციებით. როგორც ავეჯში, ისე დეკორში უპირატესობა მაინც ეთნიკური სტილს, სამხრეთ – დასავლურ ან მომთაბარე ტომებისგან ინსპირირებულ დიზაინს ენიჭება.
გამოიყენეთ ხის მასალა, ფაქტურა, ტყავი, მეტალის აქცენტები.
ინდივიდუალიზმი: გიყვართ ხატვა, აგროვებთ სხვადასხვა ნივეთებს, გაქვთ გამორჩეული კოლექციები? სწორედ ეს ნივთები შეგიძლიათ გამოიყენოთ ინტერიერის დეკორაციისთვის.
კომფორტი: თითოეული ფერი, აქსესუარი თუ ავეჯი თქვენთვის უნდა იყოს კომფორტული და ერთობლიობაში უნდა ქმნიდეს გარემოს, რომელშიც დროის გატარება გესიამოვნებათ.
მთავარი ამოცანაა გონივრულად შექმნათ „ქაოტური“ იერსახე, რომელიც მართლაც ქაოსში არ გარდაიქმნება.არ შეუშინდეთ თქვენი წარმოსახვის რეალობაში გადმოტანაგ
ეს თქვენი სახლია, თქვენი წესები – მთავარია შექმნათ გარემო სადაც თავს ყველაზე კომფორტულად იგრძნობთ.
გაითვალისწინეთ, ბოჰემური სტილი არ გულისხმობს აუცილებლად კლასიკური ელემენტების შეტანას ინტერიერში. თანამედროვე დიზაინშიც შეგიძლიათ შექმნათ თქვენი ბოჰემური გარემო.