ფერები ინტერიერში

დადასტურებულია, რომ ფერი გავლენას ახდენს ადამიანის განწყობაზე და შეუძლია ვიზუალურად შეცვალოს სივრცე ოთახში. ამიტომ, ინტერიერის ფერების შერჩევას გადამწყვეტი მნიშვნელობა აქვს

არსებობს ფერთა სამი ჯგუფი: თბილი, ცივი და ნეიტრალური.
თბილჯგუფში შედის ყვითელი, წითელი, ნარინჯისფერი ფერები და ყველა მათი კომბინაცია. ასევე, ყვითელი და მწვანე ფერის შეხამება.
ცისფერი, მეწამული, ლურჯი და ლურჯი-მწვანე, ლურჯი-იასამნისფერი ტონის ფერები ცივ ჯგუფს მიეკუთვნება.

ნეიტრალური ჯგუფი მხოლოდ სამი ფერისგან შედგება. ესენია: თეთრი, შავი და ნაცრისფერი. ისინი ფერთა პალიტრაში შედიან და საღებავებს ფერს უცვლიან, უფრო ამუქებენ ან აბაცებენ. ინტერიერის დიზაინში ფერების სწორად შერჩევის საშუალებით თქვენ შეგიძლიათ ოთახის დაგეგმარების დეფექტები დაფაროთ: შეამციროთ ან გაზრდოთ სივრცე, მეტ-ნაკლებად მასიური, ჩაკეტილი ან ნათელი გახადოთ.

თუ ჯერ კიდევ ფიქრობთ, რომელ ფერზე შეაჩეროთ არჩევანი თქვენი ოთახისთვის, ერთ-ერთ ვარიანტად მწვანეს გთავაზობთ! მკვლევარებმა დაადგინეს, რომ მწვანე ფერი ასოცირდება სიხარულთან, სიმშვიდესთან, იმედთან, კომფორტთან და ზოგადად, პოზიტივთან. მწვანე სიმბოლურად გაზაფხულს უკავშირდება, როცა ყველაფერი აყვავებული და განახლებულია. დიზაინერები აღნიშნავენ, რომ ინტერიერში მწვანე ფერის გამოყენება სახლს ახალ სიცოცხლეს ანიჭებს და მხიარულებით ავსებს.
მწვანე ფერის სპექტრი ძალიან მდიდარია, რაც საშუალებას გაძლევთ აირჩიოთ ნებისმიერ ტონი, ღია ფერიდან – ზურმუხტისფერამდე. კედლების შეღებვისას შეგიძლიათ მწვანის რამოდენიმე ელფერის ერთად გამოყენებაც. მწვანე იდეალურად ეხამება თეთრს, ყვითელს.

თამამად გამოიყენეთ მწვანე აქცენტები ავეჯის, ტექსტილის, ჭურჭლის და სხვა საოჯახო ნივთების არჩევისას. ოთახის მოწყობისას, აუცილებლად გაითვალისწინეთ ოთახის მცენარებიც.

გახსოვდეთ, რომ მწვანე ინტერიერში თავს ისე იგრძნობთ, როგორც ამწვანებულ ბუნებაში, სუფთა ჰაერზე!

ომბრე გავრცელებული მიმდინარეობაა მოდის ინდუსტრიაში, რომელიც ბოლო დროს, აქტიურად შემოიჭრა ინტერიერის დიზაინშიც. ერთმანეთში გარდამავალ ფერთა გრადაცია მუქიდან ღია ფერისკენ, ამ სტილის ძირითადი მახასიათებელია. ომბრე სტილის ინტერიერში არა მხოლოდ კედლები შეიძლება იყოს გარდამავალი ფერებით შეღებილი, არამედ ავეჯი, ტექსტილი, დეკორაციები, ხალიჩები. ომბრეს ეფექტი შესაძლებელია მივიღოთ ასევე მოზაიკის საშუალებით. თუ მზად ხართ, სრულიად განსხვავებული შტრიხი შემატოთ თქვენს სახლს და გსურთ თამამ ექსპერიმენტებს მიმართოთ, სცადეთ ომბრე!

გასათვალისწინებელია, რომ, როდესაც ორი ან სამი ფერის შეხამება გიწევთ, საღებავის ფერი ბუნებაში არსებულ ფერებთან დააკავშიროთ. მაგალითად:

- თეთრი ყველანაირ ტონალობას უხდება.

- ცისფერი ტონალობა ესადაგება ქვიშისფერს, თეთრს.

- ბალახისფერი ნებისმიერ ტონალობასთან ჰარმონიულია.

- ნაცრისფერი ჰარმონირებს ვარდისფერთან და პასტელურ ფერებთან.

დადასტურებულია, რომფერი გავლენას ახდენს ადამიანის განწყობაზე და შეუძლია ვიზუალურად შეცვალოს სივრცე ოთახში. ამიტომ, ინტერიერის ფერების შერჩევას გადამწყვეტი მნიშვნელობა აქვს.არსებობს ფერთა სამი ჯგუფი: თბილი, ცივი და ნეიტრალური.

თბილჯგუფში შედის ყვითელი, წითელი, ნარინჯისფერი ფერები და ყველა მათი კომბინაცია. ასევე, ყვითელი და მწვანე ფერის შეხამება.
ცისფერი, მეწამული, ლურჯი და ლურჯი-მწვანე, ლურჯი-იასამნისფერი ტონის ფერები ცივ ჯგუფს მიეკუთვნება.