რა განსხვავებაა აღმოსავლურ და სპარსულ ხალიჩას შორის?

ბევრი ვერ ხვდება განსხვავებას აღმოსავლურ და სპარსულ ხალიჩას შორის. თუ ფიქრობ ხელნაკეთი ხალიჩის შეძენას, უნდა იცოდე მექანიკური, აუთენტური სპარსული თუ აღმოსავლურ ხალიჩას შორის სხვაობა. არსებობს გარკვეული დეტალები, რომლებიც ამ საქმეში დაგეხმარება.

ორივე აღმოსავლური და სპარსული ხალიჩა არის ხელნაკეთი. თუმცა განსხვავება ის არის, რომ აღმოსავლური აერთიანებს ყველა ხალიჩას წარმოებულს აზიაში: თურქული, ინდური, ჩინური, სპარსული და ა.შ. შეიძლება დავასკვნათ რომ, სპარსული ხალიჩა აღმოსავლური ხალიჩების ოჯახის განსაკუთრებული წევრია.

ხელნაკეთი ხალიჩები განსხვავდება სტილისა და მოდელების მიხედვით. დიზაინი დამოკიდებულია რეგიონსა თუ ქალაქზე, სადაც ხალიჩა იქსოვება, მაგ, თაბრიზის ხალიჩები ყველაზე პოპულარულია სტილისა და ხარისხის მიხედვით. ქაშანის პროდუქციაც საკმაოდ ცნობილია მსოფლიოს მასშტაბით.

მასალად გამოყენებულია აბრეშუმი, შალი და ბამბა (მხოლოდ ბაზისად). გარემო, ამინდი და ასევე ცხვრის ჯიში გავლენას ახდენს შალის ხარისხზე. აქედან გამომდინარე კონკრეტულ ადგილას მოქსოვილი ხალიჩის ხარისხიც განსხვავებულია.

ხელითნაქსოვი ხალიჩებისათვის დამახასიათებელია მრავალფეროვანი ორნამენტული კომპოზიცია, რომელიც განთავსებულია ცენტრალურ ნაწილში და გარშემორტყმულია არშიით. ხელით ნაქსოვი ხალიჩების მთავარი მხატვრული ღირებულებებია: ორიგინალური სურათი და კოლორიტული სტილი. ხელითნაქსოვი ხალიჩების ძირითადი მასალაა ცხვრის მატყლი, ასევე თხისა და აქლემის მატყლიც. გარდა მატყლისა, ფართოდ გამოიყენება ბამბა, სელი და ზოგ შემთხვევაში აბრეშუმიც.

ხალიჩების ღირსების ერთ-ერთი მთავარი განმსაზღვრელია მისი ქსოვის ხარისხი, რაც კვანძების რაოდენობაში გამოიხატება, კვანძების რაოდენობა შეიძლება იყოს 1 კვ. მ ფართობზე 75 ათასიდან 800 ათასამდე. სწორედ ამით განისაზღვრება ხალიჩის ხარისხი. საშუალოდ 90-დან 175 ათსამდე ნასკვი ერთ კვ. მეტრზე და 175 ათასიდან ზევით, ეს უკევ არის მაღალი ხარისხის ხალიჩები.

აღმოსავლური ხალიჩების მრავალფეროვნება გაცილებით ფართოა, ყველა ხელნაკეთი ხალიჩის მწარმოებელ აზიურ ქვეყანას თავისი სტილი და გამორჩეული ნიშანი აქვს.