სხვადასხვა რჩევები თუ როგორ მოვაწყოთ იდეალური სააბაზანო

ახალ დღეს ყველა ადამიანი აბაზანით იწყებს. სწორედ ეს ადგილი განაპირობებს ადამიანის განწყობას მთელი დღის განმავლობაში, ამიტომაც, ძალიან დიდი მნიშვნელობა აქვს, რამდენად კომფორტულად არის ის მოწყობილი.

თითქოს ერთი შეხედვით აბაზანა არ არის ის ადგილი, რომელიც ბევრ გაფორმებასა და ფანატაზიას მოითხოვს, თუმცა, არ დაივიწყოთ, რომ აბაზანა განაპირობებს თქვენს ყოვლდღიურ განწყობას და ეცადეთ ის რაც შეიძლება იდელურად, დახვეწილად და ლამაზად მოაწყოთ.

გამოიყენეთ სარკეები – სარკე პრაქტიკულად აორმაგებს ვიზუალურ სივრცეს. მაგალითად, აირჩიეთ სხვადასხვა ვარიანტებიდან:

• დაკიდეთ დიდი ზომის ჩარჩოში ჩასმული სარკე ხელსაბანის თავზე;
• შეგიძლიათ 1 მთლიანი კედელი დაფაროთ სარკით;
• გამოიყენეთ სარკის ზედაპირი აბაზანის ავეჯზე;
• კაფელის დეკორი ჩაანაცვლეთ სარკისებური მოზაიკით და ა.შ.

აბაზანაში აუცილებელი ატრიბუტია პატარა ხალიჩა, რომლიც სველ იატაკზე ფეხის დაცურებისგან დაგიცავთ. გარდა ამ თვისებებისა, ხალიჩა ძალიან ლამაზი და მოსახერხებელია.

პატარა სივრცის გამოყენება შეიძლება ისე, რომ ჰიგიენის საშუალებები, საოჯახო ქიმია, კოსმეტიკა და ა.შ. ყველაფერი დატიოთ სააბაზანოში. ყურადღებით გაანალიზეთ არსებული სივრცე და დაფიქრდით, გეყოფათ თუ არ ადგილი ხელსაბანის ტუმბოსთვის, თაროებისთვის, სხვადასხვა სათავსოებისთვის. გაითვალისწინეთ, რომ აბაზანის ავეჯი იყოს მარტივი ფორმის, ღია ფერის, სადა სახელურებით, რომ არ გადაიტვირთოს სივრცე.

სწორად აითვისეთ ყველა არსებული ნიშა, სადაც მოცულობის მიხედვით, შეგიძლიათ განათავსოთ საშხაპის ზონა, ღია ან დახურული თაროები, სარეცხის კალათა და სხვა.შეიძინეთ ბევრი აბაზანის აქსესუარი და მარტივი დეკორაციებით გააფორმეთ სივრცე.

განათება – სივრცის ვიზუალურ გაფართოებაში დიდ როლს ასრულებს კარგი განათება. ამიტომ, გამოიყენეთ სხვადასხვა განათების წყაროები და შექმენით უფრო ნათელი გარემო.

აბაზანა გადაწყვიტეთ ღია ფერებში – რაც უფრო ნათელ ფერებში იქნება ოთახი, მით უფრო მეტი სივრცის შეგრძნება დაგეუფლებათ. შეგიძლიათ არჩევანი შეაჩეროთ ერთი ფერის გამაზე, ან კარგად მოიფიქრეთ ფერადი აქცენტები რა სახით დაამატოთ: მკვეთრი სააბაზანო ფარდა, ხალიჩა, ფერადი პირსახოცი და ა.შ.