როგორ მოვაწყოთ კომფორტული ინტერიერი?
ინტერიერში მეტი სიმყუდროვე რომ იგრძნოთ საჭიროა ოთახში იყოს ხალიჩაც. თუ უპირატესობას ანიჭებთ ინტერიერში ბუნებრივი ფერების გამოყენებას, ეს ფერები შეგიძლიათ საკუთარი გემოვნებით შეარჩიოთ, თუმცა, აქაც შეგახსენებთ, რომ ფერთა გამა ერთმანეთს ჰარმონიულად უნდა ერწყმოდეს. ფერები შეიძლება იყოს მკვეთრი და პასტელის, მაგრამ არავითარ შემთხვევაში უნდა იყოს მოსაწყენი.
იმ ოთახში, სადაც ძირითადად გიწევთ ყოფნა, გირჩევთ მშვიდი, შედარებით ნაზი ფერების გამოყენებას, რომელთაც გადაახალისებთ დეკორაციების , დეკორატიული ბალიშების, სავარძლის გადასაფარებლის ან სხვა აქსესუარების ხარჯზე. მაგალითად, ბეჟი ფერის დივანი შეგიძლიათ გაახალისოთ ფერადი ბალიშებით და პუფებით. იატაკზე შეგიძლიათ დააფინოთ ხალიჩა, რომელიც შეიძლება იყოს როგორც თანამედროვე სტილის, ისე ძველებური, ორნამენტებიანი.
ნუ შეგაშინებთ ხალიჩა, თანამედროვე, სადა, გემოვნებით შერჩეული ხალიჩა თქვენს ოთახს მხოლოდ სიმყუდროვეს შესძენს. მთავარია ის სადა იყოს, მინიმალიზმი ყოველთვის მოდაშია.
