რა უნდა იცოდეთ აბრეშუმის ხალიჩების შესახებ?
აბრეშუმის ძირითადი შემადგენელი ნივთიერებებია ფიბრიონი და სერიცინი. პირველი - აბრეშუმს ანიჭებს სიმაგრეს, ელასტიკურობას, ელვარებას, სინაზეს, ხოლო მეორე - ერთმანეთთან აკავშირებს ელემენტარულ ძაფებს.
აბრეშუმის ქსოვილები ძველთაგანვე სიმდიდრის, კეთილდღეობისა და ფუფუნების სიმბოლო იყო. ტრადიციულად, მისი წარმოების აღმოჩენა-დანერგვა ძვ. ჩინეთს უკავშირდება, სადაც აბრეშუმის წარმოების ტექნოლოგია სახელწიფო საიდუმლოებას წარმოადგენდა და მისი გამჟღავნებისათვის, ასევე მთავარი კომპონენტების: აბრეშუმის პეპლის, პეპლის კვერცხისა თუ მუხლუხის, გატანისათვის სიკვდილით დასჯა იყო დაწესებული. მაგრამ, მიუხედავად უმკაცრესი კონტროლისა, აბრეშუმის საიდუმლოება ჩინეთის სახელმწიფოს საზღვრებს გასცდა და სხვა ქვეყნებში იწყო გავრცელება, სპარსეთში, თურქეთში.
სპარსეთი გამორჩეულია აბრეშუმის ხელნაკეთი
ხალიჩებით, რომელთა სილამაზე მსოფლიოში უკვე კარგად ცნობილია. მათი მიმზიდველობა, მართლაც
გასაოცარია.
არსებობს შემთხვევები, როცა ვერ ასხვავებენ ნამდვილ აბრეშუმს სხვა მასალებისგან და ხალიჩის მყიდველები მოტყუებულნი რჩებიან, უმეტესად გამოუცდელი ტურისტები. მაშ ასე, როგორ განვასხვავოთ ნამდვილი აბრეშუმი?
- ნამდვილი აბრეშუმის ხალიჩა მოქსოვილია მჭიდროდ, მას უნდა ჰქონდეს მინიმუმ 30 კვანძი ერთ კვ.სმ-ში. უმეტეს მათგანს კი 77 კვანძზე მეტი აქვს კვ.სმ-ში, აქედან გამომდინარე დიზაინიs სქემა გამოკვეთილი და რეალისტურია.
- ნამდვილ აბრეშუმის ხალიჩას აქვს ფოჩები, რომელიც მის გაგრძელებას წარმოადგენს და არ არის დაკერებული ხელოვნურისგან განსხვავებით.
- აბრეშუმი ცეცხლგამძლეა, აიღეთ ფოჩის წვრილი ძაფი და შეამოწმეთ ალზე,თუ ნელა იწვის და დამწვარი თმის ან ხორცის სუნი აქვს, ასევე თუ ძაფზე დარჩა მყიფე, შავი მარცვალი, ნიშნავს რომ ნამდვილად აბრეშუმია.
- ხელი ხშირად და ღონივრად გადაუსვით ხალიჩას, ხახუნის შედეგად ნამდვილი აბრეშუმი თბება, ხელოვნური კი ისევ ისეთი ცივი რჩება.
აბრეშუმის ხალიჩა მართლაც უნიკალური ხელოვნების ნიმუშია, იშვიათად რომ იატაკზე დასაგებად გაიმეტო, მითუმეტეს გადატვირთულ მოძრაობას ვერ ,,იტანს'' და საკუთარ სახეს მალევე კარგავს.
აბრეშუმის ხალიჩები ძვირადღირებული სიამონებაა. მაგალითად, სრულიად აბრეშუმის ხელნაკეთი ხალიჩის საშუალო ფასი ზომით 150x100 სმ-ზე 10000 ლარიდან იწყება, რაც დამოკიდებულია ხარისხზე.
დაათვალიერეთ ექსკლუზიური სპარსული აბრეშუმის ხალიჩები მოცემულ ვიდეო კლიპში.