ფერების დანიშნულება სპარსულ ხალიჩებში
სპარსული ხალიჩები ერთ-ერთი გამოჩეული ხელოვნების ნიმუშთაგანია ისტორიულ და სიმბოლურ ფასეულობასთან ერთად. ფერიდან დაწყებული ორნამენტების ჩათვლით ნებისმიერ დეტალს თავისი მნიშნვნელობა გააჩნია და ეს ელემენტები მთლიანობაში გარკვეულ ისტორიას ყვებიან. საინტერესო დიზაინის გარდა ხალიჩის ფერებიც სიმბოლურობით ხასიათდებიან, ზოგს აქვს დამამშვიდებელი ეფექტი, მაშინ როცა სხვა ფერს უფრო ენერგეტიკული დანიშნულება შეიძლება ჰქონდეს. სპარსული ხალიჩების საყოველთაო აღიარება მოპოვებულია ქსოვისას ყველა დეტალის გათვალისწინების გამო.
რამოდენიმე ფერია, რომელებიც ყველაზე ხშირად გამოიყენებოდა საუკუნეების მანძილზე და განსაზღვრავდა ხელნაკეთი ხალიჩის ხასიათს. წითელი ყველაზე მეტად გამოყენებადი ფერია თავისებურად ძლიერი ენერგეტიკის გამო. წითელი ასოცირდება ცეცხლთან, სპარსელ ხალხთა ისტორიაზე დაყრდნობით არ არის გასაკვირი, რატომ უყვარდათ ეს ფერი ასე ძალიან. იგი ვნების, სიცოცხლისუნარიანობის და კეთილდღეობის სიმბოლოა. მეორე მიზეზი მისი ასე ხშირი გამოყენებისა არის ხანგძლივი დროის განმავლობაში მოცემულ ფერთან სიახლოვე, მისი მარტივად მიღება ბუნებრივი რესურსებისგან ლურჯი ფერისგან განსხვავებით, რომლის მიღება საკმაო სირთულეს წარმოადგენდა.
ლურჯი ,,მშვიდობიანი'' ფერია. მას ადამიანში შინაგანი სიმშვიდე შეაქვს. ის გამოხატავს ერთგულებას, ნდობა, პასუხისმგებლობას და პატიოსნებას. როგორც წითელი ლურჯიც პოპულარული იყო , მიუხედავად იმისა რომ ძველად მისი დამამზადებელი ბუნებრივი რესურსი იშვიათობას წარმოადგენდა და დიდხანს მდგრადობასაც არ ინარჩუნებდა. მცენარე ინდიგოს აღმოჩენის შემდეგ უკვე მარტივი გახდა ეფექტის მიღება.
სხვა გამოყენებადი ფერია ყვითელი. ის განასახიერებს მზეს, ამიტომაც არის ასეთი ცოცხალი და ენერგიული, რომელიც ჩვენში ბედნიერების გრძნობას ბადებს. ყვითელი მიჩნეულია სიცოცხლის და ცხოვრებით ტკბობის ფერად. მას სინათლე შეაქვს ,,მოღუშულ'', გაუფერულებულ ადგილებში. ამიტომა ნათელი ინტერიერის მოყვარულთათვის ის ნამდვილად ერთ-ერთი მისაღები ფერია. ბუნებრივი ყვითელი მიღებულია ბროწეულისგან.
ყავისფერი დედამიწის ფერია. ის ნაყოფიერების სიმბოლოა და ჩვეულებრივ ამზადებდნენ ხის ქერქისგან, მოგვიანებით კი კაკლისგან.