როგორ მოვუაროთ ხელნაკეთ ხალიჩას?

ხელნაკეთი ხალიჩები, რა თქმა უნდა, უფრო გამძლე და მაღალი ხარისხისაა ფაბრიკულ ერთეულებთან შედარებით. თუმცა ეს არ ნიშნავს იმას, რომ ყურადღება არ სჭირდება. ხელნაკეთ ხალიჩაზე ზრუნვა ძალიან მნიშვნელოვანია, რადგან დროთა განმავლობაში შეიძლება დაზიანდეს. მაგ, შეიცვალოს ფერი, ფორმა, კვანძები გაფართოვდეს და ა.შ. ჩვენ გვაქვს რამოდენიმე ხრიკი, რომელიც დაგეხმარება გააორმაგო ხალიჩის სიცოცხლისუნარიანობა და ახლებური იერი შეუნარჩუნო მრავალი წელი. ეს არ მოითხოვს პროფესიონალურ და ხშირ კომპლექსურ დამუშავებას.

პირველ რიგში გასათვალისწინებელია ყველაზე საშიში მტერი - ჩრჩილი. მისი მოშორება მზის სინათლის გამოყენებით შეიძლება. ნესტიანი და ბნელი გარემო როგორც ცნობილია, ხელს უწყობს ამ პატარა მტრების გამრავლებას. მზე საუკეთესო გამოსავალია, მაგრამ მისი ხშირი მუდმივი ნათება იწვევს გაუფერულებას, მასალის გამოშრობას ორგანული ზეთის დანაკარგების გამო და ხალიჩა მტვრევადი ხდება.

შალის ხალიჩები ზრუნვის და მტვერსასრუტის გამოყენების გარეშე ,,მტვრის ბუდეა'', იწვევს ალერგია რა ყველაზე უარესია, ბაღლინჯოების და ჩრჩილის მომრავლებას. მსგავსი მწერები ხშირად ჩნდებიან წლობით ჩაბნელებულ ადგილებში, როგორიცაა საკუჭნა და სარდაფი. ესეთი ადგილები უნდა გაიწმინდოს და თუ შესაძლებელია დავანახოთ მზის სხივებიც, რომლებიც ანადგურებს მწერის კვერცხებს. ხალიჩა უნდა გაიწმინდოს მტვერსასრუტით ორივე მხრიდან და პროფესიონალურად გაირეცხოს დროდადრო. ხელნაკეთი ხალიჩის შემთხვევაში 3 წელიწადში ერთხელ მაინც, რადგან თუ რეგულარულად გავრეცხავთ, მის დაზიანებას გამოიწვევს.

ხალიჩის შემობრუნება ექვს თვეში ორჯერ მაინც რეკომენდირებულია; ფერი რჩება ერთგვაროვანი მზის მოცვლეობის მიუხედავად.

თუ ყურადღებას მიაქცევთ ზემოთ მოცემულ მცირე დეტალებს, თქვენი ხალიჩა უდაოდ დიდხანს მოგემსახურებას, შეძლებთ დატკბეთ ხელოვნების ნიმუშით და ამასთანავე შესძინოთ თქვენს ბინას სასიამოვნო და მყუდრო ატმოსფერო.