როგორ ავარჩიოთ კარგი ხარისხის ხელნაკეთი ხალიჩა?
ბევრი ირანის ქალაქი ჩართულია ხალიჩების ქსოვის ინდუსტრიაში და თითორულ მათგანს აქვს თავის ნიშა. ქვეყნის თითოეულ რეგიონს აქვს თავისი ქსოვის სტილი თუ გამორჩეული დიზაინი. ასე რომ, სპარსული ხალიჩების სტილი დამოკიდებულია მწარმოებელ ქალაქზე. კულტურული თავისებურება, ბუნებრივი გარემო, ნედლი მასალა - ყველაფერი გავლენას ახდენს საბოლოო პროდუქტზე, რომელსაც სპარსული ხელნაკეთი ხალიჩა ჰქვია. ბევრმა ნაირსახეობამ შეიძლება მარტივად დაგაბნიოს, თუმცა არსებობს სპეციფიკური ინფორმაცია, რომელზე დაყრდნობით შეიძლება უფრო მარტივად ამოიცნო საუკეთესო ხალიჩა.
ხელნაკეთი თუ ხელოვნური?
პირველ რიგში უნდა განსაზღვრო ხელითნაქსოვი ხალიჩა გინდა თუ მექანიკური. ხელოვნური ხალიჩები, როგორც წესი, დამზადებულია სინთეტიკური მასალისგან - პოლიესტერი, პოლიპროპილენი, ნეილონი. თუ ცოტა ხნით გინდა გამოიყენო ხალიჩა, შეგიძლია იყიდო მექანიკური, მაგრამ თუ ბავშვები გყავთ სახლში, არ არის რეკომენდირებული. მექნიკური ხალიჩები შეიცავ პლასტმასს, რომელიც გარკვეული პერიოდის შემდგომ ათავისუფლებს ისეთ ნაერთებს, რომელიც სახიფათოა ბავშვებისთვის, ორსულისა თუ სუსტი იმუნიტეტის მქონე პირისთვის. სხვა უარყოფითი მხარეა, სინთეტიკური ბოჭკოების მარტივად აალებადობა. ამრიგად ჩვენი რეკომენდაციაა - თუ გინდა ისარგებლო ხალიჩით დიდი ხნის განმავლობაში და ასევე გაუფრთხილდე ოჯახის წევრების ჯანმრთელობას, უმჯობესია გადაიხადო მეტი თანხა ხელნაკეთი, აუთენტური ხალიჩის შესაძენად.
(ფოტოს წყარო: https://bit.ly/2Re87dQ)
ხალიჩის ფორმა და ზომა
პირველ რიგში საჭიროა გაზომო საკუთარი ოთახი და განსაზღვრო, სად გინდა ხალიჩის გამოყნება. თუ გეგმავ ხალიჩის დაფენას ავეჯის ქვეშ, მართკუთხედი ფორმა საუკეთესო არჩევანია. მრგვალი ხალიჩა უკეთ გამოიყურება მრგვალი მაგიდის ან სავარძლის ქვეშ. ხალიჩის ზომის არჩევისას შენ ხარ უკვე მოსამართლე, მთავარია შეეხამებოდეს შენს გემოვნებას.
ფერი
რამოდენიმე ფერია, რომლის მიღება ბუნებრივი მასალისგან მიღება შესაძლებელია. შეგიძლია მოძებნო სწორედ მსგავსი ფერის ხალიჩები, როცა ყიდულობ შალის ხალიჩას. წითელი, ლურჯი, ყავისფერი როგორც წესი ბუნებრივი საღებავისგან მიღებული ფერებია. ასევე მხედველობაში გქონდეს ავეჯის და კედლის ფერები. ფერთან დაკავშირებით შეგიძლია ნახო ჩვენი ბლოგი აქ და მიიღო ინფორმაცია, რომელი იმედი მაქვს, დაგეხმარება.
ხელნაკეთი ხალიჩის ხარისხი
ხალიჩის ხარისხის განსაზღვრას არ სჭირდება ექსპერტის თვალი, მხოლოდ გამოიყენე რამოდენიმე მითითება. შეამოწმე ხალიჩის უკან მხარე, კვანძების სიმჭიდროვეს ბევრი რამის თქმა შეუძლია. თუ კვანძები არათანაბარია, ერთი შესაძლოა დიდია მეორეზე, მანძილი მათ შორის თუ ცვალებადია, ნიშნავს, რომ ხალიჩა ხელნაკეთია. მექანიკურის შემთხვევაში კვანძები თანაბარია და თვალისთვის სასიამოვნო, მაგრამ არ მოტყუვდე. რა უფრო მჭიდროა კვანძები, მით უკეთესია. ერთ კვადრატულ ინჩზე 120 კვანძი ან მეტი კარგი ხარისხის მანიშნებელია.
ბუნებრივი მასალებია - შალის, აბრეშუმი, ბამბა. შალის ხარისხი დამოკიდებულია ცხვრის ჯიშზე, კლიმატზე და ცხვრის გაკრეჭის პერიოდზე. შალის ხალიჩები მქრქალია, როცა აბრეშუმი ანათებს. თუ ნახე შალის ხალიჩა, რომელიც ბრწყინავს, მასში პოლიესტერის შემცველობის მანიშნებელია. არსებობს აბრეშუმი-შალის ხალიჩები, რომელშიც აბრეშუმი ფუძეს, ბაზისს წარმოადგენს და შალი მთავარ საქსოვ ძაფს. მასალა ველაზე მნიშვნელოვანი ასპექტია. ასე რომ, ყველა დეტალი მხედველობაში უნდა იქონიო.